बैंक तथा वित्तीय संस्था लाई पुनरकर्जाको आवेदन आह्वान

२०७७ पुष १७ गते, शुक्रबार

काठमाडौँ, १७ पौष । नेपाल राष्ट्र बैंकले बैंक तथा वित्तीय संस्था लाई पुनरकर्जाको लागि आह्वान गरेको छ । बैंकले एक सूचना जारी गर्दै पुनरकर्जाका लागि आवेदन आह्वान गरेको हो ।
राष्ट्र बैंकबाट इजाजतप्राप्त क, ख र ग वर्गका बैंक तथा वित्तीय संस्थालाई एकमुष्ट रुपमा प्रदान हुने लघु, घरेलु तथा साना उद्यम पुनरकर्जा, विशेष पुनरकर्जा र साधारण पुनरकर्जाको लागि आवेदन आह्वान गरेको हो ।
पुनरकर्जाका लागि बैंक तथा वित्तीय संस्थाहरुले माघ १६ गतेसम्म आवेदन पेश गर्न सक्नेछन् ।
यसैगरी, संस्थाले माग गर्ने कूल पुनरकर्जा रकम संस्थाको प्राथमिक पुँजीको अधिकतम २० प्रतिशतसम्म हुनुपर्नेछ । त्यस्तै, एकभन्दा बढी बैंक तथा वित्तीय संस्था मार्फत कर्जा उपयोग गरेका ऋणीको हकमा एक बैंक।वित्तीय संस्था मार्फत मात्र आवेदन भएको व्यहोरा आवेदकले सुनिश्चित गरेको हुनुपर्ने सूचनामा उल्लेख गरिएको छ ।

2021 Copyrights Reserved @ CNN EXPRESS

Designed & Developed By:Web House Nepal