सिटीजन्स लाइफ इन्स्योरेन्सले आईपीओ निष्कासन गर्न रेटिङ गरायो

२०७७ पुष १८ गते, शनिबार

काठमाडौँ, १७ पौष । सिटीजन्स लाइफ इन्स्योरेन्स कम्पनीले आईपीओ निष्कासन गर्नको लागि रेटिङ गराएको छ ।
कम्पनीले इक्रा नेपालमा रेटिङ गराएको हो । कम्पनीले निष्कासन गर्ने आईपीओलाई इक्रा नेपालले इक्रा एनपी आईआर बीबीबी रेटिङ दिएको हो । उक्त रेटिङले कम्पनीको आधारभुत अवस्था मध्यम रहेको देखाउँछ । साथै दायित्व बहन गर्ने क्षमता औषत मध्यम जोखिम रहेको देखाउँछ ।

कम्पनीले ७५ लाख कित्ता आईपीओ निष्कासन गर्नेछ । हाल कम्पनीको चुक्तापूँजी रू। १ अर्ब ७५ करोड रहेको छ । ७५ लाख कित्ता आईपीओ निष्कासन पछि पूँजी रू। २ अर्ब ५० करोड पुग्नेछ ।

हालसम्ममा कम्पनीले आईपीओ निष्कासन गर्न नेपाल धितोपत्र बोर्डमा निवेदन दिएको छैन । कम्पनीले नियामक निकाय बोर्डबाट आईपीओ निष्कासन गर्ने स्वीकृती पाएपछि निष्कासन गर्नेछ ।

2021 Copyrights Reserved @ CNN EXPRESS

Designed & Developed By:Web House Nepal