आईसीएफसी फाइनान्सको मूल्य समायोजन, आइतबार समायोजित मूल्य शेयर कारोबार खुल्ने

२०७७ पुष १९ गते, आईतवार

पुस १९, काठमाडौं । नेपाल स्टक एक्सचेञ्ज ९नेप्से०ले आइतवार आईसीएफसी फाइनान्स (ICFC) लिमिटेडको बोनस शेयरको मूल्य समायोजन गरेको छ ।
नेप्सेले १०.५० प्रतिशत बोनस शेयरको समायोजनपछि शेयरमूल्य रू. २६२ तोकेको छ ।
कम्पनीको अघिल्लो कारोबारको दिन अर्थात बिहीवार कायम अन्तिम शेयरमूल्य रू. २९० को आधारमा शेयरमूल्य समायोजन भएको हो ।
कम्पनीले लाभांश तथा साधारण सभा प्रयोजनार्थ आइतवार बुकक्लोज गरेसँगै नेप्सेले शेयरमूल्य समायोजन गरेको हो ।
कम्पनीले १०.५० प्रतिशत बोनस शेयर र ४.७० प्रतिशत नगद लाभांश (कर समेत) पारित गर्न पुस २९ गते १७औं वार्षिक साधारण सभा बोलाएको छ ।
कम्पनीले आफ्नै रजिष्टर्ड कार्यालय, टंगालमा बिहान ११ बजे साधारण सभा बोलाएको हो । आइतबार समायोजित मूल्यकै आधारमा फाइनान्सको शेयर कारोबार खुल्नेछ।

2021 Copyrights Reserved @ CNN EXPRESS

Designed & Developed By:Web House Nepal