सेयर बजारमा करेक्सन, नेप्से ३.५४ अंकले घट्यो

२०७७ पुष २१ गते, मंगलवार

पुस २१, काठमाडौं । नेपाल स्टक एक्सचेञ्ज (नेप्से) साताको तेस्रो दिन आज (मंगलबार) सामान्य अंकले घटेको छ । आज नेप्से ३.५४ अंकले घटेर दुई हजार एक सय ६५ दशमलब ४९ विन्दुमा थामिएको छ भने ४ अर्ब ५६ करोड ६३ लाख ८१ हजार १७८ रुपैयाँ बराबरको कारोबार भएको छ ।

नेप्सेका अनुसार आज कारोबार भएका कूल १२ उपसमूहमध्ये ९ वटा समूह घटेका छन् भने अन्य ३ वटा समूह बढेका छन् । आज बैंकिङ समूह ०.५६ प्रतिशतले गिरावट आएको छ भने ट्रेडिङ ५.८२, होटल १.०९, फाइनान्स ०.२२, मेनुफ्याक्चरिङ ०.३, माइक्रोफाइनान्स ०.१८, लाईफ इन्स्योरेन्स ०.३३ र म्यूचुअल फण्ड ०.२८ प्रतिशतले घटेका छन् ।
त्यस्तै, आज डेभलपमेन्ट बैंक समूह ०.१३ प्रतिशतले बढेको छ भने हाइड्रोपावर ३.१२ प्रतिशत र नन लाईफ इनस्योरेन्स ०.५९ प्रतिशतले बढेको छ ।
अघिल्लो दिन ५ अर्ब बढीको शेयर कारोबार भएकोमा मंगलबार कारोबार रकममा पनि गिरावट आएको छ।

2021 Copyrights Reserved @ CNN EXPRESS

Designed & Developed By:Web House Nepal