पुस २१, काठमाडौं । निर्वाचन आयोगले आगामी बैशाखमा हुने मध्यावधी निर्वाचनलाई मध्यनजर गर्दै मतदाता नामावली प्रक्रिया सुरू गरेको छ ।
आयोगले “मतदानस्थल तथा मतदान केन्द्र निर्धारण कार्यविधि, २०७७” र त्यसको कार्यान्वयनका लागि “मतदान स्थल तथा मतदान केन्द्र पुनरावलोकन सम्बन्धी कार्यक्रम, २०७७” स्वीकृत गरेको छ ।
आयोगका प्रवक्ता राजकुमार श्रेष्ठका अनुसार स्वीकृत कार्यविधी र कार्यक्रमअनुसार यही पुस २३ गतेबाट जिल्लास्तरमा मतदानस्थल तथा मतदान केन्द्र निर्धारण सम्बन्धी काम सुरु गरिनेछ । प्रवक्ता श्रेष्ठले प्रमुख जिल्ला अधिकारीको संयोजकत्वमा जिल्ला मतदानस्थल तथा मतदान केन्द्र सिफारिस समिति रहने पनि जानकारी दिए ।

‘समितिले उक्त कार्य सम्पन्न गरी मिति २०७७/१०/१७ गते सम्ममा कार्य सम्पन्न गर्नुपर्ने गरी कार्यतालिका समेत स्वीकृत भएको छ ।
केपी ओली नेतृत्वको सरकारले गत भदौ ५ गते संसद् भंग गरी २०७८ बैशाख १७ गते पहिलो चरण र २७ गते दोस्रो चरणमा प्रतिनिधि सभा सदस्य निर्वाचन हुने गरी निर्वाचनको मिति घोषणा गरेको थियो ।