प्रधानमन्त्रीको कदम असंवैधानिक र अनाधिकृत : गगन थापा

२०७७ पुष २४ गते, शुक्रबार

पुस २४, काठमाडौं । नेपाली कांग्रेसका नेता गगनकुमार थापाले प्रधानमन्त्रीको कदम असंवैधानिक र अनाधिकृत रहेको बताएका छन् ।

शुक्रबार भक्तपुरमा आयोजित विरोध सभामा बोल्दै नेता थापाले प्रधानमन्त्री केपी शर्मा ओलीले संसद विघटन गरेर अनाधिकृत काम गरेको बताएका हुन । संविधानमा बहुमत प्राप्त प्रधानमन्त्रीले संसद भंग गर्न पाउने कुरा कहीँकतै नलेखेको भन्दै उनले प्रधानमन्त्रीको कदम असंवैधानिक र अनाधिकृत रहेको बताए ।

प्रधानमन्त्रीको कदम असंवैधानिक, अधिनायकवादी तथा प्रतिगामी भएकाले कांग्रेस विरोधमा उत्रिएको नेता थापाको भनाइ छ । प्रधानमन्त्री ओलीले अदालतमाथि मनोवैज्ञानिक दबाव सिर्जना गरेको भन्दै अदालत डराउँदैन भन्ने प्रमाणित गर्नुपर्ने उनको भनाइ छ ।

2021 Copyrights Reserved @ CNN EXPRESS

Designed & Developed By:Web House Nepal