भालुको आक्रमणमा परी हजुरबा-नातिनी घाइते

२०७७ पुष २४ गते, शुक्रबार

पुस २४, काठमाडौं । डोटी जिल्लाको आदर्श गाउँपालिका–१ मा जङ्गली भालुको आक्रमणमा परी दुई जना गम्भीर घाइते भएका छन् । जिल्ला प्रहरी कार्यालय डोटीका अनुसार भालुको आक्रमणमा परी ८४ वर्षीय रामबहादुर खड्का र निजकी पाँच वर्षीया नातिनी सरस्वती खड्का घाइते भएका छन् ।
बिहीबार साँझ खेतबारीको काम सकेर घर फर्किँदै गर्दा घरनजिकै उनीहरुलाई भालुले आक्रमण गरी गम्भीर घाइते बनाएको हो। भालुको आक्रमणबाट गम्भीर घाइते उनीहरुको दिपायलको शैलेश्वरी अस्पतालमा उपचार भइरहेकोे छ ।

2021 Copyrights Reserved @ CNN EXPRESS

Designed & Developed By:Web House Nepal