टिपरले ठक्कर दिँदा मोटरसाइकल चालक घाईते, पछाडि बस्नेको मृत्यु

२०७७ पुष २४ गते, शुक्रबार

पुस २४, काठमाडौं । सुर्खेतमा टिपरले मोटरसाइकललाई ठक्कर दिँदा सवारी चालक घाईते भएका छन भने पछाडि बस्ने युवतीको मृत्यु भएको छ । उक्त घटनामा मोटरसाइकललाई चालक कालिकोटको शुभकालिका गाउँपालिकाका २६ वर्षीय दुर्गा शाही घाइते छन् भने मृत्यु हुनेमा वीरेन्द्रनगर–११, की २३ वर्षीया ताराकुमारी आले रहेकी छन् । जिल्ला प्रहरी कार्यालय सुर्खेतले दिएको जानकारी अनुसार आलेलाई उपचारका लागि कर्णाली प्रदेश अस्पताल ल्याउँदै गर्दा बाटोमै मृत्यु भएको हो ।

सुर्खेतबाट नेपालगञ्जतर्फ गइरहेको कर्णाली प्रदेश ००१ क ००९९ नम्बरको टिपरले भे ७ प ५२०६ नम्बरको मोटरसाइकललाई भेरीगंगा नगरपालिका–१२, स्थित छिन्चुमा ठक्कर दिएको थियो ।
टिपरको ठक्करबाट युवतीको मृत्यु भएपछि स्थानीयले सवारी चालकलाई कडा कारबाहीको माग गर्दै स्थानीयहरुले मृतकका परिवारलाई उचित क्षेतिपूर्ति दिनुपर्ने माग गरेका छन् ।

2021 Copyrights Reserved @ CNN EXPRESS

Designed & Developed By:Web House Nepal