हेटौँडामा बस र मोटरसाइकल ठोकिँदा एकको ज्यान गयो

२०७७ पुष २५ गते, शनिबार

पुस २५, मकवानपुर । हेटौँडाको चुरियामाईमा बस र मोटरसाइकल ठोकिँदा एक जनाको ज्यान गएको छ । गएराति चुरियामाई मन्दिर नजिकको उकालोमा बस र मोटरसाइकल ठोकिँदा मोटरसाइकलमा रहेका एक जनाको ज्यान गएको हो।

जनकपुरबाट काठमाण्डौ जाँदै गरेको ना ६ ख ६९६३ नम्बरको बस र विपरीत दिशाबाट आउँदै गरेको ना ६३ प १५० नम्बरको मोटरसाइकल ठक्कर खाँदा मोटरसाइकलको पछाडि रहेकी हेटौँडा–३ बस्ने ४३ वर्षीया देवी लामाको ज्यान गएको जिल्ला प्रहरी कार्यालय मकवानपुरले जनाएको छ । उनको उपचारको क्रममा चुरेहिल अस्पतालमा ज्यान गएको हो। मोटरसाइकल चालक हेटौँडा–३ लेवट बस्ने अन्दाजी ३६ वर्षीय इश्वर नेपाल घाइते भएको र उनको चुरेहिलमा उपचार भइरहेको प्रहरीले जनाएको छ।

2021 Copyrights Reserved @ CNN EXPRESS

Designed & Developed By:Web House Nepal