प्रधानमन्त्री ओलीले असंवैधानिक रूपमा संसद् विघटन गरे : सिंह

२०७७ पुष २५ गते, शनिबार

पुस २५, काठमाडौं । कांग्रेस नेता प्रकाशमान सिंहले पार्टीभित्रको विवाद व्यवस्थापन गर्न नसर प्रधानमन्त्री केपी शर्मा ओलीले असंवैधानिक रूपमा संसद् विघटन गरेको बताएका छन् ।
संसद् विघटनको विरुद्धमा कांग्रेसले देशभरका ३ सय ३० प्रदेश निर्वाचन क्षेत्रमा गरिरहेको विरोध सभाअन्तर्गत काठमाडौं १ ९क० मा आयोजित विरोध सभामा बोल्दै नेता सिंहले पार्टी र संसदमा अल्पमतमा परेपछि प्रधानमन्त्रीले संसद्माथि रिस पोखेको धारणा राखे ।
नेता सिंहले सर्वोच्च अदालतले प्रधानमन्त्रीको कदमलाई छिटो रोक्नुपर्ने धारणा राखे । प्रधानमन्त्री र सर्वोच्च अदालतको नेतृत्वबीच ुसेटिङु भएको भन्ने हल्ला फैलाइएको कुरालाई असफल पार्नुपर्ने उनको भनाइ थियो ।
तत्कालीन राजा ज्ञानेन्द्रले असंवैधानिक कदम उठाएको हो भन्न सक्ने सर्वोच्च अदालतले केपी ओलीको असंवैधानिक कदमलाई साथ नदिने सिंहको भनाइ थियो । उनले अदालतले संविधानको सही रूपमा ब्याख्या गर्ने र सर्वोच्च अदालतसँग प्रधानमन्त्रीको मेलमिलापमा संसद विघटन भएको भन्ने कुरा गलत साबित हुने बताए ।
प्रधानमन्त्री ओलीको सिफारिसमा पुस ५ गते राष्ट्रपति विद्यादेवी भण्डारीले प्रतिनिधिसभा विघटन गरेकी थिइन् । उक्त कदमको चौतर्फी विरोध भइरहेको छ ।

2021 Copyrights Reserved @ CNN EXPRESS

Designed & Developed By:Web House Nepal