मोडल ज्याङ्मु शेर्पा संग विवाह गर्दै मुख्यमन्त्री शेरधन राई

२०७७ माघ ४ गते, आईतवार

माघ ४, काठमाडौं । प्रदेश १ का मुख्यमन्त्री शेरधन राई एकजना मोडलसँग दाम्पत्य जीवनमा बाँधिने भएका छन् । सन् २०१८ की ‘मिस मंगोल नेपाल’ ज्याङ्मु शेर्पासँग यही ११ माघमा विवाह गर्न लागेको मुख्यमन्त्री राईको सचिवालयले पुष्टि गरेको छ ।

उनको विवाह हुँदैछ भन्ने चर्चा चले पनि बेहुलीको नाम गोप्य राखिएको थियो । परिवारको स्रोतले मोडल शेर्पासँग विवाह हुन लागेको जानकारी दिएपछि त्यसलाई सचिवालयले पुष्टी गरेको हो ।
मुख्यमन्त्री राईको पर्खौली घर भोजपुर हो भने शेर्पाको पुख्र्यौली घर संखुवासभा हो र उनी हाल काठमाडौंमा बस्दै आएकी छन् ।

मोडल शेर्पाका बाबु–आमा अमेरिकामा छन् । परिवार श्रोताका अनुसार मुख्यमन्त्री राई र शेर्पा केही समयदेखि प्रेम सम्बन्धमा छन् । उनीहरुको उमेरको अन्तर भए पनि अन्तत यी दुई प्रेम विवाहमा बाँधिन लागेका हुन् । यो समाचार आजको राजधानी दैनिकमा प्रकाशित छ ।

2022 Copyrights Reserved @ CNN EXPRESS

Designed & Developed By:Web House Nepal