सरकारले संविधान मिच्ने काम गर्यो , फागुन पहिलो साता जनआन्दोलन सुरु हुन्छ : अध्यक्ष प्रचण्ड

२०७७ माघ २२ गते, बिहीबार

माघ २२, काठमाडौं । नेपाल कम्युनिष्ट पार्टी (नेकपा) दाहाल-नेपाल समूहको आम हड्ताल अझ सफल र प्रभावकारी बनाउन अध्यक्ष पुष्पकमल दाहाल सातदोबाटो पुगेका छन।
प्रतिनिधिसभा विघटन र संवैधानिक निकायहरुमा भएको नियुक्तिको विरोधमा आज दाहाल-नेपाल समूहले देशव्यापी आम हड्तालको आयोजना गरेको छ ।

हड्ताल सफल बनाउन भन्दै दाहाल सडकमा निस्किका हुन । दाहाल सातदोबाटो पुग्दा प्रदर्शनकारीले प्रधानमन्त्री केपी ओलीविरुद्ध नारा लगाएका थिए । बिहीबार पार्टीले आयोजना गरेको विरोध प्रदर्शनका क्रममा सातदोबाटो पुगेका उनले सरकारले संविधान मिच्ने काम गरेको बताए । उनले भने, ‘लोकतन्त्रमाथि प्रहार भएको छ । त्यसका लागि सबै उक्त कदमको विरुद्धमा उत्रिएका छन् । उनले आफूहरुको आन्दोलन लोकतन्त्रको रक्षाका लागि भएको बताए ।

जसरी असंवैधानिक र अलोकतान्त्रिक तरिकाले संसद् विघटन गरिएको छ त्यसको विरुद्धमा हाम्रो आन्दोलन हो, उनले भने, यो आन्दोलन केपी र प्रचण्डबीचको जुहारी नभई गणतन्त्र र गणतन्त्रविरोधीको लडाइँ हो ।
संवैधानिक परिषद् र भूमि आयोगमा बल मिच्याइँ तरिकाले सरकारले नियुक्ति गरेको विरोधमा आन्दोलन गर्नुपरेको दाहालले प्रस्ट्याए ।

दाहालले आन्दोलन अझ सशक्त पार्ने भन्दै दाहालले फागुनको पहिलो हप्ताबाट जनआन्दोलन सुरु हुने जानकारी गराए। ”२८ गते विशाल प्रदर्शन गर्नेछौं, उनले भने, त्यसपछि फागुन पहिलो साता जनआन्दोलन सुरु हुन्छ ।”

2021 Copyrights Reserved @ CNN EXPRESS

Designed & Developed By:Web House Nepal