चीनबाट अनुदानमा ल्याएको कोरोना विरुद्धको खोप आजदेखि सर्वसाधारणलाई लगाउँदै

२०७७ चैत्र २५ गते, बुधबार

चैत २५, काठमाडौँ । सरकारले चीनबाट अनुदानमा ल्याएको कोरोना भाइरसविरुद्धको खोप आजदेखि सर्वसाधारणलाई लगाउँदैछ । स्वास्थ्य मन्त्रालयका अनुसार चिनबाट प्राप्त ८ लाख डोज खोप १८ देखि ५९ बर्ष उमेर समूहका व्यक्तिहरुलाई दिइनेछ । खोप १८ देखि ५९ बर्ष उमेर समूहका प्राध्यापकहरु, चीनमा छात्रबृत्तिमा अध्ययन गर्ने विद्यार्थीहरू, हिमालय पार व्यापार गर्ने नेपाली व्यापारीले पाउने मन्त्रालयले जनाएको छ ।

त्यसैगरी, अत्यावश्यक सेवामा काम गर्ने कर्मचारी र व्यक्ति, होटल, ट्रेकिङ, विज्ञापन र इन्टरनेट क्षेत्रमा काम गर्ने, औषधि फलफूल तरकारी लगायतका व्यापारीलाई खोप लगाउने मन्त्रालयले जनाएको छ । यसअघि भारतबाट अनुदानमा ल्याईएको १० लाख डोज खोप तथा विश्व स्वास्थ्य संगठनबाट अनुदानमा प्राप्त खोप नेपाल सरकारले विभिन्न उमेर समुह एवं प्राथमिकतामा परेका व्यक्तीहरुलाई दिईसकेको छ ।
उनीहरुले पहिलो डोजको खोप पाएपनि दोस्रो डोजको खोप बैशाख दोस्रो सातादेखि लगाउने सरकारको योजना छ ।

2021 Copyrights Reserved @ CNN EXPRESS

Designed & Developed By:Web House Nepal